ESTO ES FUTBOL FEMENINO

Ampi decidiu o derbi en Vista Alegre.

O Ponte Ourense adxudicouse (0-1) o derbi galego ante o Burela FS Pescados Rubén cun gol de Ampi no tramo final do choque. O duelo tivo todos os ingredientes propios dun derbi aínda que sen excesivas ocasións de gol.

O Burela iniciou o choque moi concentrado e gozou dun par de ocasións, Peque e Haydée, nas que a gardameta pontina salvou ao seu equipo. A intensidade máxima marcaba un partido entre dous conxuntos que exercían mellor as tarefas defensivas que o aspecto creativo. O máis perigoso do Ponte foi un disparo de Souza que Jozi desbaratou perfectamente. Nos instantes finais, o maior perigo de gol foi de cor laranxa. O Burela cazou á contra ás ourensás aínda que Peque foi inhabilitada para rematar cando se cantaba o gol en Vista Alegre. A resposta visitante foi un disparo cruzado e raso de Sarita que repeleu o exterior do pau dereito. Na continuación repetiuse o guión inicial. De novo o conxunto burelense puido golpear ao Ponte pero o remate de Peque foi demasiado frouxo e Eva detivo sen problemas.

O Burela cedeu a iniciativa ás ourensás que carecían de creatividade e precisión no pase final. Co Ponte sen espazo para explotar a velocidade de Ampi, o Burela manexaba a situación en busca dun contragolpe certeiro que non chegou e cando se enfilaba a recta final emerxeu o oportunismo de Ampi para situar o 0-1, minuto 36. Ao instante, respondeu Peque cun forte disparo que se estrelou no pau visitante e inmediatamente, Javier Pardeiro optou polo xogo de cinco pero o marcador permaneceu impasible.

Parabéns á galega Verónica Boquete que acadou o título da mellor xogadora do ano da liga americana.

http://www.youtube.com/watch?v=RhCaErGgq8I

Unha galega elixida mellor xogadora de fútbol na segunda tempada na Women’s Professional Soccer estadounidense. A galega superou, entre outras  a Marta, a gañadora do balón de ouro dos últimos cinco anos.

Verónica Boquete, de 24 anos, volveu facer historia ao  convertirse na  primera galega ( e tamén na primeira xogadora de fútbol do Estado Español ) que é elixida  mellor xogadora do ano da  Women’s Professional Soccer, o máximo  recoñecemento  da mellor liga do mundo de fútbol feminino. A diantera do  Philadelphia  impúsoxe nas votacións realizadas  votacións realizadas por seguidores/as, xornalistas e entrenadores/as,á  brasileira Marta (New York Flash), Balón de Ouro dos cinco últimos anos e  única posuidora do premio  até o  momento nas edicións de 2009 e 2010. Ao  galardón tamén optaban  a súa compañeira  no Philadelphia, Tasha Kai, Abby Wambach (magicJack) e Christine Sinclair (New York Flash).

Parabéns Verónica por este título, e que sigas colleitando moitos máis!!

TVG2 retransmitirá o emocionante derbi Burela FS-Ponte Ourense (17.30 horas)

O partido Burela FS-Ponte Ourense, correspondente á 3ª xornada da Primeira División (24 de setembro), adiantarase ás 17.30 horas (Vista Alegre) por petición da CRTVG.

O encontro poderase ver en directo a través de www.crtvg.es e en diferido por TVG2, ese mesmo día ás 20.00 horas, despois do Alcorcón-Deportivo (Segunda División de Fútbol), previsto para as 18.00 horas.

Semana Europea da Mobilidade. Os xogadores e xogadoras do Burela FS Pescados Rubén obsequiarán mañá aos participantes na actividade lúdico-deportiva 'Dispara a Gol' con invitacións para o derbi autonómico; será na praza do Concello (17.00-19.00 horas). 'Dispara a Gol' está enmarcada na Semana Europea da Mobilidade organizada pola Concellería de Ambiente de Burela (16-22 de setembro)

CLASIFICACIÓN 2ª XORNADA DE LIGA 1º DIVISIÓN FEMENINA ;

Pos Equipo Ptos Ju Ga Em Pe Gf Gc

1.- Rayo Vallecano 6 2 2 0 0 13 1

2.- SC Huelva 6 2 2 0 0 6 1

3.- Real Sociedad 6 2 2 0 0 5 2

4.- FC Barcelona 6 2 2 0 0 4 1

5.- Athletic Club 6 2 2 0 0 4 2

6.- RCD Espanyol 4 2 1 1 0 6 1

7.- Levante UD 4 2 1 1 0 2 1

8.- Prainsa Zaragoza 3 2 1 0 1 8 6

9.- CD San Gabriel 3 2 1 0 1 1 1

10.- UD Collerense 3 2 1 0 1 2 3

11.- SPC Llanos Olivenza 2 2 0 2 0 2 2

12.- Atlético de Madrid 1 2 0 1 1 2 3

13.- EMF Reocín 1 2 0 1 1 5 9

14.- Valencia CF 0 2 0 0 2 2 5

15.- CA Málaga 0 2 0 0 2 1 5

16.- SD Lagunak 0 2 0 0 2 0 4

17.- UE L´Estartit 0 2 0 0 2 1 7

18.- FVPR El Olivo 0 2 0 0 2 1 11



O unico equipo galego na primeira division " EL OLIVO " demomento non lle van moi ben as cousas , xa que acadou duas derrotas nos dous partidos disputados.